Не ви е убаво било кој на интернет да може да го гледа види вашиот дом? Следете ги чекорите подолу.
Денес го земаме Street View здраво за готово, но оваа услуга од Google е, ако размислиме малку повеќе, неверојатна алатка. Не само што служи како некој вид на временска машина за локации низ планетава, туку исто така ни овозможува да ги видиме местата од 360 степени кои веројатно никогаш лично нема да ги посетиме, но и оние со кои сме запознаени - вклучувајќи ја и улицата на којашто живееме.
Меѓу другото, можеме да си го видиме домот, дворот, терасата, а можеби и самите себе ако случајно се најдеме на вистинското место во вистинско време. Корисно, нели? Секако дека е, но секоја паричка има две страни, па оваа технологија може да се користи на различни начини, вклучително и злонамерни. Не треба да заборавиме - сè што гледаме на Google Street View може да го види и секој на планетава што има пристап до интернет и Google Maps.
Дали тоа ви пречи? Доколку вашиот одговор е „да“, ви носиме решение кое ќе ги спречи дигиталните воајери и ќе се погрижи вашиот дом да биде безбеден од љубопитните очи.
Како да го скриете вашиот дом на Google Street View?
Ако не сте воодушевени од фактот што целиот интернет има поглед на улицата на вашата куќа, балкон од зграда или што било друго што го поседувате, треба експлицитно да му го кажете тоа на Google, по што ќе го замагли делот од фотографијата што не сакате да биде видлив.
За да го скриете вашиот дом од услугата Street View, треба да ги извршите следните чекори:
- Отворете Google Maps (преку прелистувач или апликација);
- Одете на вашата адреса и отворете Street View;
- До вашата адреса, допрете на трите точки;
- Изберете ја опцијата Report a problem;
- Изберете го делот од сликата што сакате да го замаглите;
- Кажете му на Google дека сакате да го замаглите вашиот дом со штиклирање My home;
- Потврдете дека сте сопственик или закупец на објектот;
- Внесете ги сите дополнителни информации што ќе му помогнат на Google да ја идентификува вистинската сопственост;
- Внесете ја вашата e-mail адреса;
- Потврдете дека не сте робот;
- Притиснете на Submit.
Имајте на ум дека не можете да се предомислите. Ако Google се согласи да го замагли вашиот дом, овој е траен и повеќе нема да може да го гледате во Street View, исто како и секој друг.
