Добар дел од корисниците на Facebook би сакале да знаат дали некој ги избришал од листата на пријатели или пак дали ги блокирал. Иако популарната мрежа постојано воведува нови опции, засега ја нема опцијата да го проверите ова со целосна точност.
Сепак, постојат начини на кои може да проверите дали некој ве блокирал. Ако некој решил да ве блокира, вашето име нема да се појавува во неговиот пребарувач на самата мрежа, но исто така, ни вие нема да можете да го најдете неговото име при пребарувањето на корисниците.
Од друга страна, ако забележите дека нечии постови повеќе не се појавуваат на вашиот News Feed, веројатно тој корисник ве блокирал или избришал.
Кога некој ќе ве блокира, нема да се појавува во вашата листа на пријатели, а ако имате директен линк од профилот на корисникот, автоматски ќе добиете известување дека страницата не е пронајдена.
