Новак и Јелена Ѓоковиќ уште од почетокот на пандемијата имаат различни ставови во врска со коронавирусот, 5G мрежата...Нивните ставови предизвикуваат низа реакции од јавноста.
Најпрвин, Јелена Ѓоковиќ објави видео од еден научник кој ги споредува 5G мрежата и Covid-19.
Оваа објава Instagram ја означи како „false information“(лажна информација). Потоа, таа изјави дека здравјето на забите влијае на женската плодност и поради тоа жените имаат проблеми со зачнување.
Нејзината објава беше проследена со многу негативни коментари, исто како и нејзиното тврдење дека не треба да се користат креми со заштитен фактор.
Јелена за српски Блиц изјави дека не ѝ пречи што на луѓето не им се допаѓаат нејзините ставови бидејќи секој има право на свое мислење.
Слично размислува и нејзиниот сопруг кој има уште порадикални ставови во областа на медицината. Новак вели дека ќе размисли добро дали ќе се вакцинира против коронавирус.
Светските медиуми бурно реагираа на неговата изјава и предупредуваат на тоа дека светскиот ракет број 1 мора да размисли што изјавува со оглед на тоа дека има многу обожаватели кои му веруваат и кои можат погрешно да ги сфатат неговите зборови. На светот не му се потребни дополнителни грижи и шпекулации за 5G мрежата и за фармацевтските компании.
Новак никогаш не ги сфаќа сериозно овие предупредувања, иако неговиот имиџ е во прашање.
