Денеска на Сардинија пристигнаа Џовани Симеоне и голманот Патрик Олсен, големи засилувања за тимот на Каљари за претстојнава сезона.
Синот на Диего Симеоне, Џовани, си замина од Фиорентина. За сума од 16 милиони евра му пристапи на Кањари како големо засилување. 24-годишниот Аргентинец ја напушти Фиренца по двегодишна авантура откако ланската сезона се вклопи во сивилото на тимот и на 26 натпревари постигна само 6 голови. Поради тоа го загуби и местото во репрезентацијата на Аргентина за која досега има 5 натпревари и еден гол.
Покрај напаѓачот, Каљари се засили и помеѓу стативите. Таму ќе застане одличната единица на репрезентација на Шведска, Патрик Олсен. Скоро два метра високиот Швеѓанец доаѓа на едногодишна позајмица од Рома откако „Волчицата“ реши прв избор да биде новодојдениот Пау Лопес.
Претходно Каљари и тоа како го засили средниот ред најпрво со Раџа Наинголан од Интер, па за 18 милиони евра од Бока Жуниорс го купи уругвајскиот репрезентативец Наитан Нандес, а од Наполи го позајми Хрватот Марко Рог. На позајмица го донесе и 20-годишниот лев бек Лука Пелегрини од Јуве.
