Камила, сопругата на принцот Чарлс и војвотка од Корнвол, за BBC изјави дека е „почестена што ќе стане кралица“.
Кралицата Елизабета одобри војвотката Камила да ја добие титулата кралица откако принцот Чарлс ќе стане крал, со што се стави крај на долгогодишните контроверзии и шпекулации за нејзината иднина.
Војвотката истакна дека својата идна положба ќе ја искористи за посилно да се заложи за правата на жените и спротивставување на семејното насилство, напомнувајќи дека има желба тоа го продолжи да го работи цел живот.
Во интервју за BBC повика на радикална општествена промена.
„Мора да ја поддржиме културната промена. Мислам дека треба да почнеме од почеток, мислам дека децата треба да ги учиме на почитување во училиштата. Мораме да ги научиме да го почитуваат секое човечко суштество“, вели таа.
Смета дека насилството над жените не се намалува и дека локдаунот предизвикан од епидемијата на коронавирусот само ја влоши ситуацијата.
Кралицата Елизабета на почетокот на февруари објави дека Камила ќе биде следната кралица.
