Тринити Родман, ќерката на поранешниот НБА играч Денис Родман, стана најплатена фудбалерка во САД.
Оваа 19-годишна девојка, која игра на позицијата напаѓач, потпиша четиригодишен договор со Вашингтон Спирит до 2026 година, вреден 1.1 милион долари, пишува Вашингтон Пост.
Наследничката на славниот кошаркар ќе заработува 281.000 долари годишно, што е многу повеќе од заработката на ѕвездите на женската фудбалска лига како Меган Рапионо и Алекс Морган.
Тринити игра фудбал една година и според медиумите, веќе ја сметаат за надежна ѕвезда во САД.
