Групата Anonymous ја презеде одговорноста за сајбер нападот кој блокираше дел од руската метропола.
Во последно време, дејствијата на сајбер-криминалците најмногу вклучуваат преземање контрола врз официјални страници/сметки на социјалните мрежи или крадење чувствителни податоци заради уцена.
Секогаш можете да проверите дали сте хакирани, што всушност е добра работа, најдоброто нешто што секој треба да го направи.
Меѓутоа, кога станува збор за хакерски напади од големи размери, најновиот потфат отстапува од воспоставената шема, па целта беше такси операторот Яндекс од Москва. На 1 септември хакери преку наменска апликација за нарачка на возење пренасочија десетици возила кон Фила, дел од западна Москва, поточно кон авенијата „Котовски“, една од главните сообраќајници на руската метропола. Тогаш се создаде „паркинг“ кој траеше повеќе од 40 минути.
На Twitter, секако, се појави видео од оваа гужва. На прв поглед не ни изгледа особено епохално, па мислевме дека веста е лажна. Сепак, претставниците на компанијата Яндекс официјално го потврдија нападот на порталот Motherboard, додека во посебна изјава за медиумската куќа ТАСС (од Русија) додадоа дека алгоритмот одговорен за пренасочувањето е закрпен и дека викви ситуации нема повторно да се случат.
Зад нападот, како што некој објави на Twitter, стои познатата хакерска група Anonymous, која ден подоцна ја презеде одговорноста од еден од нивните наводни профили.
Тврдат дека соработувале со колеги од Украина (IT Army of Ukraine), а причината секако е војната во таа земја. Anonymous на крајот на февруари со помалку или повеќе успех ги нападна страниците на неколку руски медиуми, како и официјалната веб-страница на руската Влада и Министерството за одбрана...