Интересни факти за Картагина, еден од најбогатите и најмоќните градови на антиката.
За време на реновирањето на палатата на поранешниот доживотен претседател на Тунис, Хабиб Бургиба, кон крајот на петтата деценија на XX век, пронајдени биле остатоците од древниот град Картагина.
1. Картагина била основана од емигранти од персискиот град Тир. Тие го напуштиле Тир во XIII век п.н.е. и се населиле во Северна Африка. Тир се наоѓа во денешен Либан и важи за еден од најстарите во континуитет населени градови. Александар Македонски дури 7 месеци вршел опсада на Тир пред конечно да го освои. И тогаш, дел од жителите бегајќи од налетите на македонската војска, отпловиле за Картагина.
2. Картагина се наоѓала на територијата на денешен Тунис, од каде што се проширила со освојување.
3. Римјаните Картагинците ги нарекувале Пуни. Ова име потекнува од латинското име Phoenicians, што значи Феникијци. Оттами доаѓа и името Пунски војни, што всушност значи Феникиски војни, а се однесува на војните со Картагинците.
4. Додека на чело на картагинската војска бил познатиот воен лидер Ханибал Барка - кој ја прославил, Картагина претставувала најголема закана за Рим. Така се родила изреката Hannibal ante portas, односно Ханибал е пред порти, која останала до денес и се користи кога некој или нешто е во најголема опасност.
5. Пунски војни е заедничко име за трите војни што ги воделе Римјаните и Картагинците во III и II век п.н.е.
6. Некои извори тврдат дека Картагина можеби станала најбогатиот град-држава во светот во тоа време, која своето богатство го стекнала со тргување со стоки, особено со текстил, необработени метали, храна и робови, кои ги заменувала за калај, сребро и злато.
7. Картагинците ја наследиле хананеската религија од нивните феникиски предци, а главни божества биле божествената двојка Вал-Хамон, што значи Господар на ковачите, и Танит, која може да се идентификува со Астарта, еквивалент на Афродита и Венера.
8. Најозлогласената карактеристика на картагинската религија било жртвувањето деца. Диодор Сицилијански известува дека во 310 п.н.е., за време на напад на градот, Картагинците жртвувале повеќе од 200 деца од благородно потекло за да го смират Вал-Хамон.
9. Кога била на врвот на својата моќ Картагина доминирала со поголемиот дел од западниот Медитеран.
10. Градот бил неколку пати уништуван од различни напаѓачи, а конечно бил освоен од Арапите во 698 година, а неговите камења подоцна биле користени за изградба на градот Тунис, ненешниот главен град на истоимената држава Тунис.
