Американецот кој настапува за Македонија е импресиониран од Ненад Димитријевиќ.
Натурализираниот македонски репрезентативец Итан Хап и на вториот меч во црвено-жолтиот дрес беше на високо ниво и воедно еден од најдобрите играчи во тимот кој го предводи Алекандар Јончевски.
Имаше дури 31 индексен поен до кои дојде со реализација на 19 поени, 7 скока, 5 асистенции, 5 освоени топки за 34 и пол минути поминати на паркетот во Сосновјец.
По мечот, крилото на Македонија не го криеше своето воодушевување, особено од играта на Ненад Димитријевиќ, со кого го наполнија противничкиот кош.
„Селекторот одлично нè подготви за натпреварот, особено кога противникот ја менуваше одбраната. Кога имаш плејмејкер како Нено, само треба да му ја дадеш топката и да играш, импресивно беше да се гледа како игра. Како што рече селекторот, секој што се појави на паркетот има удел за денешната победа“, рече Хап, пренесува КФСМ.