Повикувајќи се на извор на кралското семејство, BBC објави дека принцот Хари и неговата сопруга Меган не ја прашале кралицата Елизабета Втора за името на нивната неодамна родена ќерка Лилибет.
Всушност, Лилибет е прекар од детството на кралицата. Меѓутоа, извор близок до Хари и Меган тврди дека Хари разговарал со кралицата пред да му се роди ќерката и дека го спомнал прашањето за нејзиното име.
Односот меѓу Хари и Меган од една страна и британското кралско семејство од друга страна со месеци е во вниманието на јавноста.
Тоа е особено изразено по интервјуто на Хари и Меган кај Опра, кога остро ја критикуваа кралската фамилија.