Со голот на Горан Пандев, Македонија синоќа славеше во Тбилиси и се избори за прв, историски пласмaн на Европско првенство.
Македонија се избори за прв, историски настап на ЕУРО. Во јуни 2021 година нè чекаат Холандија, Австрија и Украина во групата која однапред е позната.
Светските медиуми ја објавија историската вест за македонската фудбалска репрезентација, секако со акцент на сензационалниот гол на 37-годишниот Пандев. Се чини, не можеше да се замисли поромантичен исход на фудбалската бајка на Пандев кој 19 години игра во националниот дрес.
Херој, бог, шампион, ветеран, класа од играч... Ова се само дел од пофалните зборови за македонскиот фудбалер во светските медиуми.