Човекот кој ги водеше и Баерн и Борусија вели дека има премногу сличности помеѓу двата голгетера, но сепак едниот сѐ уште треба многу да сработи.
„Ерлинг Холанд има капацитет за да оди по стапките на Роберт Левандовски и да стане еден од најубиствените напаѓачи на планетава, вели Отмар Хицфелд.
Германскиот стратег во минатото седел на клупата на двата тима кои вечерва ќе го играат големото дрерби во Бундеслигата. Во Дортмунд беше од 1991 до 1997, додека во Минхен во два наврата, од 1998 до 2004 и во сезоната 2007/08.
„Мислам дека Холанд може да стане како Левандовски, но сѐ уште не е подготвен за тоа. Како и да е, Дортмунд направи одличен трансфер зимава бидејќи Холанд е веќе посебен играч. Тој е неверојатно зрел за неговата возраст, има одлични квалитети и е мртов-ладен пред противничкиот гол бидејќи и покрај неговата висина, тој е и тоа како брз“, вели Хицфелд за Goal.
Борусија и Баерн вечерва од 18.30 часот на „Зигнал Идуна Парк“ во Дортмунд го играат „дер Класкер“ дербито за врвот на табелата. И Норвежанецот и Полјакот се во составот и се очекува интересен дуел и помеѓу нив двајца.
