Јадењето одредена храна може да предизвика глад, а таквата храна особено создава проблем ако е ваш прв избор за задоволување на градта.
Некои од намирниците едноставно не можат да го заситат вашето тело, а повеќето од нив се оние кои содржат поголеми количини на брзо сварливи јаглехидрати како што се шеќерот и белото брашно.
Ова се намирниците по кои многу брзо ќе огладнете:
На многумина омилениот и единствениот појадок што можат да го јадат наутро е комбинација по која обично остануваме гладни кратко време по оброкот. Доколку сте љубители на корнфлекс, земете интегрални, бидејќи подолго се задржуваат во телото. Можете да пробате да ги мешате со јогурт наместо обично млеко. Протеините и мастите го забавуваат процесот на варење и ќе се чувствувате посити.
Телото ќе ја метаболизира оваа храна за многу кратко време, сето тоа затоа што е бело брашно и речиси без влакна. Шеќерот во крвта нема да ве засити, туку ќе ве натера многу брзо повторно да посегнете по храната.
Еден од најлесните оброци за подготовка е супата. Иако нема калории, што е добро за оние кои ја чуваат линијата, по неа многу брзо ќе ја почувствувате празнината во стомакот.
Кога ќе почувствуваат глад, за да го задоволат тоа, многумина посегнуваат по омилените бонбони од детството. Сепак, на прво место од нивните состојки е шеќерот, што значи дека овој трик нема долго да го задржи вашиот желудник.
На оваа примамлива закуска понекогаш е невозможно да се одолее. Но, поради засилувачот на вкусот што го содржи, вклучително и екстрактот од квасец, чипсот ќе ви го отвори апетитот. Затоа, доколку сакате да го измамите вашиот стомак, избегнувајте ја оваа храна.
Сигурно ви се случило после лименка Coca-Cola да се чувствувате како да можете да продолжите да јадете. Овие пијалаци се такви што никогаш не можете да се заситите од нив.
Пивото и виното може да предизвикаат глад, па дури и прејадување. Алкохолот предизвикува блага хипогликемија во мозокот, која ги повикува хормоните на акција, испраќајќи му порака на телото дека е гладно. Пиејќи алкохол, најмногу јадеме скара, нешто мрсно или зачинето, а потоа најчесто посегнуваме по грицки.
Нивоата на фруктоза содржани во овошните сокови предизвикуваат високи нивоа на шеќер во крвта. Затоа, со неговото внесување, стомакот брзо ќе бара од вас да го наполните.
