Факт е дека здравата исхрана е неопходна за квалитетен и долг живот. Сепак, треба да имате на ум дека одредена храна може да има негативни ефекти иако многумина ја сметаат за здрава за организмот.
Кафеавиот ориз се смета за поздрав бидејќи содржи повеќе протеини, витамини, магнезиум, минерали и други хранливи материи. Сепак, може да содржи и неоргански арсен, кој го зголемува ризикот од срцеви заболувања, дијабетес тип 2 и рак на кожата и црниот дроб.
„Дефинитивно е подобар од белиот ориз, но никогаш не претерувајте“, изјави нутриционистката Лиси Лакатос за списанието Eat This, Not That.
Школки, драгњи, ракови, шкампи и јастози може да претставуваат закана за вашето здравје во зависност од тоа што јаделе овие животни додека биле во вода. Ризикот од контаминација е поголем со школки кои се извадени од топла вода.
Некои од симптомите на труење со школки се: вртоглавица, гастроентеритис, повраќање, дијареа, а во тешки случаи, отежнато дишење, кома, па дури и смрт.
Непастеризираното сирење може да биде штетно доколку на него се појават бактерии.
„Негативните ефекти најчесто се предизвикани од листерија и кампилобактериоза“, додаде таа.
