Ако сакате да го забрзате растот на косата или да ја зајакнете, една од најдобрите работи што можете да ги направите е да ја промените исхраната, односно да ја збогатите со одредена храна.
„Изреката дека ние сме она што го јадеме не е шега. Урамнотежената, добро осмислена и хранлива исхрана е од суштинско значење за здравјето и растот на косата“, вели славната фризерка Лаурабет Кабот за Glamour.
Според дерматологот Лорен Пенза, важно е да го збогатите вашето мени со протеини и аминокиселини како што се Л-цистеин и Л-лизин.
„Добро балансирана исхрана за здравјето на косата треба да вклучува витамин Д, витамин Ц, фолна киселина (витамин Б12), рибофлавин (витамин Б2), биотин, железо, цинк, селен, антиоксиданси и омега-3 и омега-6 масни киселини и доволно макронутриенти како протеини и здрави масти“, истакна таа.
Целта е да не се претерува. Иако витаминот А помага за здравјето на косата, во прекумерни количини може да има спротивен ефект. Исто така, премногу различни витамини и минерали може да имаат негативни системски ефекти.
Затоа, јадете ја храната наведена подолу умерено.
Најдобра храна за раст на косата:
посно месо и живина
грав и леќа
остриги
спанаќ
авокадо
јаткасти плодови и семиња
лосос
јајца
цели зрна
агруми
јагоди
пиперки
супа од коски.
