Зголемениот холестерол е една од главните причини за болести на срцето и крвните садови. Добриот холестерол (ХДЛ) ја чисти површината на крвните садови од штетни материи и токсини, а лошиот холестерол (ЛДЛ) ги затнува крвните садови и ги стеснува артериите.
Ова значи дека ХДЛ е важен за функционирањето на телото, додека е неопходно ЛДЛ да биде во нормални граници. Д-р Дебора Ли открива како може тоа да се направи без земање на лекови.
Понекогаш количината на овие масти зависи од храната, што значи дека промената на исхраната е еден од начините за нејзино регулирање. Сепак, постојат ситуации кога причините за висок холестерол се бубрежни заболувања, хипотироидизам, дебелина, анорексија, нервоза, како и пушење, прекумерна потрошувачка на опојни пијалоци и прекумерно внесување масна, солена и слатка храна. Вашиот лекар ќе ви помогне да ја откриете причината за покачените вредности на овие масти и соодветно да ги коригира.
Лекарите секако ве советуваат да го намалите внесот на маснотии, особено оние намирници кои го зголемуваат нивото на холестерол, како што се мрсното месо, колбасите, колачите, сирењате и десертите. Постојат и убијци на холестерол, односно храна која ќе ви помогне да ги намалите вредностите на овие масти и да го зачувате вашето здравје.
Убијците на холестерол, како млекото и храната богата со незаситени масти и влакна, ќе помогнат да се ослободите од материите кои се штетни за телото. Д-р Ли вели дека со намалување на количината на масни киселини на минимум или замена на заситените масти со незаситени, ќе го нормализирате нивото на холестерол во крвта, а следната храна може да ви помогне во тоа:
- ореви
- маслиново масло
- масло од сусам
- црвена риба
- мешунки
- месо од живина
Препораката на д-р Ли е во вашата исхрана да вклучите нерафинирани житарици богати со многу влакна, бидејќи тие ќе ви дадат многу хранливи материи, ќе го подобрат варењето на храната. Оваа храна вклучува:
- црн леб
- интегрален ориз
- интегрални тестенини
„Доколку овие намирници ги вклучите во вашето дневно мени, ќе го намалите нивото на холестерол за 10%“, тврди д-р Дебора Ли.
