Севернокорејскиот лидер Ким Џонг Ун, заедно со 9-годишната ќерка, присуствуваше на лансирањето на новата интерконтинентална балистичка ракета. Станува збор за прво „претставување“ и јавно дружење со Ким Ју Ае.
Ова е прв пат државната агенција KCNA да објави детали за ќерката на Ким, или нејзини фотографии. Претходно се шпекулираше за идентитетот на неговата најстара ќерка.
Девојчето е фотографирано како рака под рака оди со таткото додека тој врши инспекција на разорното оружје во воената база, но и како оддалеку го набљудува лансирањето на ракетата.
Изгледа дека и наследничката на Ким уживала во прошетката, со оглед на тоа што фотографиите покажуваат дека е насмеана додека нејзиниот татко разговара со воениот персонал.
Во текот на оваа прошетка, Ким Џонг Ун вети дека ќе им се спротивстави на нуклеарните закани на САД со нуклеарно оружје.
