Стратегот на Ливерпул е задоволен од победата на гостувањето кај Лајпциг и тоа што неговиот тим не потклекна како што се предвидуваше.
Со головите на Мохамед Салах и Садио Мане во интервал од само шест минути од 53. до 58. минута го решија Лајпциг. Ливерпул со одлична предност од 2:0 патува на реваншот и со една нога е во четвртфиналето.
„Беше натпревар каков што сакавме, каков што ни беше потребен. Лајпциг можат да бидат навистина страшни, ги наттрчуваат противниците, навистина се добро физички потковани, но ги контролиравме на инзвонреден начин. Одигравме одличен натпревар и го добивме резултатот кој го заслуживме“, вели Јирген Клоп.
Има уште 90 минути кои овој пат ќе се играат на „Енфилд“.
„Се браневме навистина добро и одлично возвраќавме. Беше тежок натпревар со само два натпревара пауза од претходниот наш натпревар. Има реванш, свесни сме за тоа“, додава тој.
Со оглед на тоа што неговиот тим во овој натпревар влезе со една црна серија од три порази во низа, со право скептицизмот беше голем и се очекуваше нов пораз.
„Две години бевме супер, а сезонава имаме проблеми. Тоа е во ред. Многумина очекуваа наш нов кикс, но момците не го дозволија тоа“, гордо заврши Клоп.