Американскиот претседател Џо Бајден за време на разговор со украинскиот претседател Володимир Зеленски во јуни се изнервирал и подвикнал, бидејќи и откако американскиот претседател ја потврдил информацијата за доделување нова милијарда долари воена помош, Украинецот почнал да ја набројува сета дополнителна помош што му е потребна.
Од почетокот на руската агресија, вообичаено е претседателот Џо Бајден и украинскиот претседател Володимир Зеленски да разговараат по телефон секогаш кога САД ќе објават нов пакет воена помош за Киев.
Сепак, телефонскиот разговор меѓу двајцата лидери во јуни се одвивал поинаку од претходните, според четворица запознаени со повикот.
Бајден едвај завршил со кажувањето дека штотуку дал зелено светло за уште една милијарда долари американска воена помош за Украина, кога Зеленски почна да ја набројува сета дополнителна помош што му била потребна, а не ја добил. На Бајден му „пукнал“ филмот“ во тој момент, според луѓе запознаени со повикот.
„Американскиот народ беше доста дарежлив, а нивната администрација и американската војска работеа напорно за да ѝ помогнат на Украина“, рекол Бајден, подвикнувајќи, „а Зеленски можеше да покаже малку повеќе благодарност“, пишува NBC News.
Претставници на администрацијата рекоа дека односите меѓу Бајден и Зеленски се подобрилепо телефонскиот разговор во јуни, по што Зеленски даде изјава во која ги пофали САД за дарежливата помош.
Пред телефонскиот разговор на 15 јуни, фрустрацијата на претседателот од Зеленски се растела со недели, рекоа три лица запознаени со повикот. Бајден и некои од неговите врвни соработници сметале дека администрацијата прави колку што може најбрзо што може, но дека Зеленски продолжил јавно да се фокусира само на она што не е направено.
