Ако купувате автомобил со намера да го продадете за три години, сакате тој да ја задржи својата вредност.
Како може да постигнете подобра препродажна цена по три години? Купете жолт автомобил.
Жолтата можеби не е најпопуларна боја за автомобил, но има доволно луѓе кои сакаат жолта, наспроти бројот на нарачани нови жолти автомобили, за да бидат жолтите автомобили попосакувани од другите на пазарот на половни автомобили.
Жолтата е меѓу најмалку застапените бои на автомобилите, а најзастапена е за спортски автомобили и други мали сериски возила кои релативно добро држат цена, пишува сајтот tech-lifestyle.com.
Многумина би помислиле дека белата боја е најсигурниот избор за каросеријата на автомобилот, ако го гледаме губењето на вредноста. Излезе дека не е така.
Белата го зазеде само деветтото место на листата од 13 бои составена од порталот iSeeCars, врз основа на статистиката која вклучува 5,6 милиони нови автомобили и 700.000 користени автомобили купени и продадени или заменети во периодот од 2017 до 2020 година.
Беж беше втора „најбезбедна“ боја, со загуба од 22,8% за три години. За споредба, жолтата изгуби 20,4% во исто време.
Вредноста на белите возила падна за 38 отсто, додека возилата со златна нијанса поминаа низ најлошо од сите 13 бои, губејќи дури 45,6 отсто од вредноста за три години.
Бојата на возилото е една од примарните карактеристики што клиентите ги земаат предвид по изборот на бренд и модел.
Бидејќи препродажната цена е еден од најважните фактори што одредува колку ќе ве чини да поседувате ново возило, купувачите треба да бидат внимателни при изборот на боја.