На последните тестови на EuroNCAP, сите пет ѕвезди ги обезбедија KIA EV6, Mercedes-Benz C-Class, Volkswagen Multivan и Volvo C40 Recharge.
Значително построгите критериуми на организацијата EuroNCAP, која со децении ја испитува безбедноста на автомобилите при различни судири, не им пречеа на KIA, Mercedes, VW и Volvo, чии модели EV6, C-Class, Multivan и C40 Recharge ги освоија сите пет ѕвездички во последните „креш-тестови“.
Stellantis, на двоецот Opel Astra/Peugeot 308 на помина со ѕвезда помалку, а причината за нешто послабиот резултат во однос на четирите споменати модели лежи во недостатокот на одредени безбедносни системи кои ја намалуваат можноста за судир. PHEV верзиите на Astra и 308 исто така освоија четири ѕвезди.
Сите тестирани модели постигнаа завидни резултати во заштитата на возрасните патници и децата во кабината.
