Експертите сметат дека кај некои намирници не треба строго да се држите до наведените датуми на траење бидејќи често станува збор за препораки.
Но, постојат и исклучоци од ова правило, како што е употребата на детска млечна формула која секогаш треба да се фрли ако е истечен рокот на амбалажата, пишува Њујорк пост.
Кои намирници може да ги јадете и по истекот на рокот?
Млеко
Млекото најчесто е безбедно за консумација до една недела по истекот на рокот на амбалажата. Но, тоа зависи од видот на млеко што го купувате – колку е поголем процентот на масти во млекото, тоа пократко ќе трае. Ако не сте сигурни дека е добро за употреба, мирисот на млекото може да ви открие во каква состојба е.
Јајца
Често може да се случи да го занемариме датумот на истекот на рокот на кутијата бидејќи обично јајцата се безбедни за јадење со недели и по рокот. Секако, колку повеќе се оддалечувате од рокот помалку ќе бидат свежи, но не мора да значи дека не се за јадење.
Тестенини
Сувите тестенини ќе бидат добри за јадење до две години по истекот на рокот на траење. Ако сте љубител на свежи тестенини треба да ги јадете само до пет дена по истекот на пакувањето.
Откако ќе ги сварите, може безбедно да ги јадете до една недела, па и месеци ако се замрзнати.
Кашкавал
Дури и ако фати мувла, може да ја отстраните и да продолжите со консумација на кашкавалот.
Суви состојки
Сол,брашно, црвен пипер, сода бикарбона и шеќер се безбедни за јадење ако стојат подолго време, а причина е недостигот на влага. Но, ако забележите чуден мирис, тоа може да укаже на загадување со инсекти.
Конзервирана храна
Многу видови конзервирана храна можат да траат и до две години по истекот на рокот на траење, особено супите и зеленчукот.
