Ако целта ви е што побрзо да ослабете, веројатно се прашувате кои вежби ќе ви помогнат во тоа.
Некои велат дека кардио вежбите најдобро согоруваат калории, додека други се колнат во тренингот за сила.
„Точно е дека луѓето побрзо согоруваат калории кога трчаат, во споредба со кревањето тегови“, тврди физиотерапевтот и фитнес тренер Лаура Миранда за Women’s Health.
„Но, анаеробниот тренинг ја одржува нашата прекумерна потрошувачка на кислород и по вежбање, односно согоруваме калории и по завршувањето на тренингот“, истакнува таа.
Зошто тренинзите со тегови го имаат овој продолжен ефект на согорување калории? Кога вежбате со поголем интензитет, на вашето тело му треба повеќе кислород за да се опорави“, вели Миранда. Со други зборови, кревањето тегови е подобар избор.
„Мускулите се метаболички најактивното ткиво и колку повеќе имаме, толку поефикасни сме во согорувањето на калориите во текот на денот“, објасни таа.
Но, колку калории согорувате зависи од неколку фактори, вклучувајќи ја вашата возраст, тежина и подготвеност. Сепак, одредени вежби генерално горат повеќе калории од другите.
1. Скокање јаже - 667 до 990 калории на час
2. Спринт – од 639 до 946 калории на час
3. Кик бокс - од 582 до 864 калории на час
4. Возење стационарен велосипед – од 584 до 841 калории на час
5. Трчање – од 566 до 839 калории на час
6. Веслање – од 481 до 713 калории на час
7. Кружен тренинг со тегови - од 554 до 822 калории на час
8. Качување по скали – од 452 до 670 калории на час.