Вториот обид на Индија да слета на Месечината постигна голем успех кога лендерот денеска успешно се одвои од својот погонски модул, соопшти Индиската организација за вселенско истражување.
Првиот обид во 2019 година не успеа, бидејќи лендерот падна на површината на сателитот на Земјата.
Модулот сега ќе продолжи да лета во орбитата на Месечината изведувајќи серија тестови, а слетувањето на Месечината е закажано за 23 или 24 август.
Мисијата Chandrayaan-3 започна во средината на јули и нејзината цел е да научи што е можно повеќе за речиси неистражената јужна страна на Месечината.
Руската вселенска мисија Luna-25 вчера стигна во орбитата на Месечината и се очекува следната недела да слета на јужниот пол на природниот Земјин сателит. Неговата цел е да најде вода на Месечината.
