Кога почнала да работи како продуцентка на филмот Barbie, Марго Роби не се гледала себеси во улогата на најпознатата кукла на светот.
Прва на нејзината листа за главна улога во филмот била Гал Гадот, позната по улогата на Wonder Woman, но морала да одбие соработка бидејќи веќе имала напорен распоред, објави Variety.
„Ја сакам Марго. Марго е една од оние жени со кои едноставно сакате да бидете пријатели. Таа е толку забавна, топла, забавна, паметна и очигледно талентирана“, изјави Гадот во едно неодамнешно интервју. „Би сакала да работам со неа на било што и бев многу трогната од нејзините коментари“.
Иако Гадот не можеше да се приклучи на актерската екипа, продуцентите на аудициите бараа актерка со карактер сличен на нејзиниот.
Покрај Гадот, во филмот требало да се појават уште неколку актери кои исто така имале проблеми со распоредот. Бовен Јанг, Ден Леви и Бен Плат требаше да го играат Кен, додека Џонатан Гроф ја одби улогата на Алан, која потоа му беше дадена на Мајкл Сера.
Режисерката на филмот, Грета Гервиг, беше особено погодена од фактот што Серша Ронан и Тимоти Шаламе не можеа да се појават барем на кратко, бидејќи таа вообичаено сака да работи со нив.
„Серша требаше да има камео“, рече Гервиг. „Тими исто така требаше да има камео. Но, ниту еден од нив не се појави во филмот и тоа ме растажи. Навистина ги сакам. Се чувствував како да правам нешто без моите деца. Мислам, не сум им мајка, но јас така се чувствувам“.
