Луѓето кои користат шминка можат да апсорбираат и инјектираат потенцијално токсични полифлуороалкилни супстанции (PFAS) во нивното тело, според новата студија објавена во Environmental Science & Technology Letters.
Истражувачите откриле високо ниво на флуор - што укажува на веројатно присуство на PFAS - во повеќето водоотпорни маскари, течни кармини и пудри што биле тестирани.
Некои од производите со највисоки нивоа на флуор беа подложени на понатамошна анализа и беше потврдено дека сите содржат најмалку четири загрижувачки PFAS супстанции. Повеќето производи со висока содржина на флуор, вклучувајќи ги и оние за кои е потврдено дека имаат PFAS, ја немале наведената супстанција на етикетата.
„Жените во просек јадат неколку килограми кармин во текот на животот“, вели Греам Писл, виш автор на студијата и професор по физика на Универзитетот Нотр Дам.
„Но, за разлика од храната, хемикалиите во кармините и другите производи за шминка и лична нега се скоро целосно нерегулирани во САД и Канада. Како резултат на тоа, милиони луѓе несвесно носат PFAS и други штетни хемикалии на лицето и телото секој ден“.
Некои PFAS се поврзани со широк спектар на сериозни последици по здравјето, од рак, прекумрена дебелина до потешки форми на COVID-19. Само мал дел од илјада PFAS супстанции се тестирани за токсичност, но сите PFAS се исклучително перзистентни во животната средина.
Покрај тоа што може да се внесат преку производите за усни, PFAS супстанциите може да се апсорбираат во кожата и солзните канали во козметиката.
Направени се тестирања
Истражувачкиот тим тестирал 231 козметички производ купени во САД и Канада за флуор. Повеќе од три четвртини од водоотпорните маскари, скоро две третини од пудрите и течните кармини и повеќе од половина од производите за очи и усни имаа високи концентрации на флуор.
Сите 29 производи избрани за насочена анализа содржеа најмалку четири специфични нивоа на PFAS што може да се набљудуваат. Ова ги вклучува PFAS кои се распаѓаат на други PFAS, за кои се знае дека се многу токсични и штетни за животната средина. Откриени се и флуоротеломерни метакрилати, што укажува на деградација на страничните ланци на флуоропоимери, понудени на пазарот како „еколошки“ алтернативи на индивидуалните PFAS.
Многу производи PFAS се рекламираат како „долготрајни“ или „отпорни на бришење“. Важно е да се напомене дека скоро ниту еден производ проучен со насочената анализа немаше наведено PFAS како состојка на етикетата. Ова им отежнува на потрошувачите да избегнуваат козметика која содржи PFAS дури и кога ги читаат декларациите.
„PFAS не се неопходни за шминкањето. Со оглед на нивната голема штетност, верувам дека не треба да се користат во ниту еден производ за лична нега", вели Арен Блум, коавтор на студијата.
