Постојат многу работи на кои можеме активно да влијаеме и можеме да ги примениме или адаптираме, на заемно задоволство.
Прво треба да почнеме да ги разбиваме илузиите всадени од различни филмови или книги, а потоа да се фокусираме на безбеден пристап и надминување на срамот кој може да се јави кога еден на друг ќе почнеме да си поставуваме прашања за тоа што ни се допаѓа и до каде сме расположени да одиме.
Променете го односот кон порнографијата
За да напредувате како љубовник важно е да сфатите дека реалната сексуалност и уживањето во интимниот однос немаат ништо заедничко со порнографијата, која веројатно ви дала многу погрешни идеи за тоа како треба или може да биде сексот. Порнографските содржини можат да бидат облик на забава, но како водич во сексот доведуваат до непријатни последици.
Не се фокусирајте само на пенетрација
Сексот е многу повеќе од пенетрација. Можеби верувате дека ерекцијата и издржливоста се главна работа, може да откриете дека задоволството кое го давате на партнерот во текот на предигра е најдобриот дел од односот. Пенетрацијата е завршен дел и може да биде спектакуларна ако и двајцата сте на исто ниво на страст и возбуда. Кога ќе го сфатите тоа, може да имате многу побогат сексуален живот.
Поставувајте многу прашања
Многу е добро кога поставувате прашања или го охрабрувате партнерот тоа да го прави, а потоа ги следите инструкциите. Добриот љубовник пред сè е чувствителен на потребите на партнерот.
Направете листа на Да/Не/Можеби
Без разлика дали сте слободни или во врска, корисно е да ги разберете вашите желби и ги познавате своите граници. Одличен начин за тоа е да составите листа, а концептот е едноставен. Минете низ различни сексуални дејства и означете со „Да“, „Не“ или „Можеби“ за вашето ниво на заинтересираност.
Истражувајте ги секс играчките
За многу мажи е застрашувачка помислата да се натпреваруваат со играчка на батерии, која никогаш не се уморува или не губи ерекција. Но, вклучувањето играчки во сексуалниот однос може да биде забавен за двајцата особено ако сте расположени за истражување во кое ем ќе се забавувате, ем ќе ги проширите вашите искуства.
