Птицата која ја држите во воздух со кликнување на екранот, притоа избегнувајќи стапици - „Flappy Bird“ - е една од најпопуларните мобилни игрици на сите времиња. Речиси и нема човек што не ја играл, но и покрај тоа, изгледа дека му предизвикала многу главоболки на нејзиниот творец.
Откако во 2013 година програмерот Нгуен Ха Донг ја претстави „Flappy Bird“, стана милионер меѓу студентите на Универзитетот за наука и технологија во Ханој, главниуот град на Виетнам.
По не толку ветувачкиот почеток, игрицата се покажа како светски хит и во еден момент на Донг му носеше повеќе од 50.000 долари дневно од реклами. Сепак, тој ја откри и темната страна на својата слава.
Иако на почетокот го сакал успехот, имајќи пари да си ги дозволи најновите гаџети, излегувања со пријателите и удобен живот, тоа набрзо паднало во втор план.
Игрицата беше на удар на критики откако беше обвинета дека го копирала „Super Mario“, додека Донг беше обвинет и дека пишувал лажни рецензии за да ја зголеми нејзината популарност. Одеднаш младиот човек кој дотогаш водел мирен живот папараците почнале да го бркаат и да го чекаат пред неговиот дом.
Сето тоа му било многу вознемирувачко, додека постовите на корисниците на социјалните мрежи кои пишувале дека „игрицата ги заразила“ му додале сол на раната.
„'Flappy Bird' ми го уништи животот! Ја играм веќе 8 часа и се колнам дека ми крварат очите“, е само еден од твитовите што ги прочитал Донг.
Критики стигнале и од родителите и наставниците кои се пожалиле дека таа има штетно влијание врз животот на децата. Некои пишувале дека потфрлувале на работа поради прекумерно играње, дури и добиле отказ, додека некои признале дека си ги скршиле мобилните бидејќи изгубиле.
Донг на почетокот одговарал на ваквите објави, објаснувајќи дека тоа е „само игрица“ и дека не ја направил за да ги уништи животите на луѓето. Но, ситуацијата кулминирала кога Донг заклучил дека тој е виновен за раздорот во животот на луѓето.
„Можам 'Flappy Bird' да ја наречам мој успех. Но, игрицата исто така ми го уништи мирниот живот. Сега ја мразам“, објасни тој.
Виетнамецот на крајот ја повлече својата игрица, што доведе до смртни закани, а потоа ја врати во мултиплеер формат, но само преку TV set-top box платформата на Amazon. Како и да е, денес постојат нејзини бројни имитации.
Според Vietnamnet, Донг сега воглавно се држи надвор од центарот на вниманието, иако најави дека работи на нова игрица со досега невидена технологија.
