Каталонците упатија 20 удари кон голот на Уеска синоќа, но дадоа само еден гол, што ја прели чашата кај тренерот Роналд Куман кој сега сака нов напаѓач.
Холандскиот стратег смета дека на Барселона ѝ недоставува прав шпиц откако синоќа од 20 удари погодија само еднаш и побара од уравата да му донесе нов голгетер.
„Му верувам на секој играч во тимот. Но, ако играме со тројца во средниот ред, тогаш има место и за тројца напаѓачи. Со Лео во тимот ние зависиме од некој што игра подлабоко како Дембеле, а потоа мораме да бираме помеѓу Брејтвејт и Гризман“, велеи тој опишувајќи ја ситуацијата во нападот на тимот.
Вчерашниот победнички гол кај Уеска не беше дело на напаѓач, туку на Френки де Јонг, а асистираше Лео Меси.
„Она што ни недостасува во ваквите натпревари е една деветка, но тоа не значи ништо во поглед на замената на Антоан. Имаме многу натпревари и потребни ни се сите играчи“.
Барса сезонава на 16 натпревари во Ла Лига постигна 30 голови, што е во просек скоро по два по натпревар. Тоа за Барселона е премалку.
„На почетокот на сезоната кажав повеќе пати дека ни е потребен некој истурен, за да имаме поголема конкуренција и да даваме повеќе голови, да бидеме поефективни. Но, тоа зависи и од многу работи“, заврши холандскиот стратег.