EA Sport му даде на Ф1 возачот на Мекларен, Ландо Норис иа вози крукче во новата игрица „F1 2023“ за тестирање на новите функции, како патеката во Лас Вегас, која ќе се вози сезонава.
23-годишниот Ландо изјави дека најновата игрица носи подобрувања во гејмплејот и графиката, а задоволен е и од својот карактер годинава. Очекувано, Норис ја избра патеката во Лас Вегас за да ја испроба за прв пат. Британецот ги коментираше звуците на болидот и рече дека динамиката на возење е пореална. Тој додаде дека автомобилот „всушност изгледа жив“.
Во игрицата, Норис ја освои пол-позицијата во квалификациите со време од 1:38.719, што беше 3 секунди побрзо од Луис Хамилтон кој беше втор во Мерцедес. И покрај неговите брилијантни квалификации, Норис ја заврши трката на 20-тото место поради неговото непознавање со конфигурацијата на патеката и зоните за сопирање, а исто така му беше изречена казна од 6 секунди.
Норис моментално е 11-ти во поредокот на возачи во реалниот шампионат во Формула 1, со 12 бода. Ландо беше деветти на минатонеделната трка во Монако.
