Навивачите на Милан останаа вџасени од веста за повредата на нивниот најдобар играч Рафаел Леао на само три дена пред полуфиналето во Лигата на шампионите, но се чини дека работите од ден на ден се подобруваат.
Во 11. минута од пресметката со Лацио во саботата, Леао ја напушти играта поради повреда. Последователните прегледи открија дека Португалецот има благо истегнување на мускулот и дека наскоро би требало да се врати на теренот.
Сепак, сè уште е под знак прашалник дали ќе биде во форма за мечот на годината и пресметката против Интер во полуфиналето од Лигата на шампионите, која е закажана за в среда.
Неговата денешна изјава ги израдува фановите бидејќи Леао го најави своето брзо враќање.
„Не грижете се, ќе се вратам многу брзо. Оптимист сум. Го направив потребниот третман, а потоа спиев цел ден“, изјави Леао.
Најинтересниот дел од интервјуто на MilanEye беше прашањето за Килјан Мбапе. Леао открива дека брилијантниот Мбапе отсекогаш бил навивач на Милан, што го потврдуваат и бројните слики во дресот на клубот од Сан Сиро.
„Мбапе е најдобриот играч што сум го сретнал. Тој веќе е голем навивач на Милан и треба да дојде во овој клуб“, додава Португалецот.