НБА ѕвездата Леброн Џејмс ги отфрли навестувањата за пензионирање, велејќи дека „не е подготвен да ја заврши својата спортска кариера бидејќи сè уште чувствува голема љубов кон кошарката“, тврди AFP.
„Веќе не ме интересира колку поени ќе постигнам, и што можам, а што не можам на теренот. Вистинското прашање за мене е дали можам да продолжам да играм без повреди. Денот кога нема да можам да дадам сè од себе на теренот ќе ми биде последен. И тој ден сè уште не е дојден“, рече Леброн на доделувањето на наградите Espy на ABC.
Леброн (38) ја освои наградата Espy за рекордната мината сезона, кога се проби на првото место на вечната листа на стрелци во најсилната кошаркарска лига во светот, надминувајќи го бројот на поени што претходно ги собра Карим Абдул-Џабар. Додаде дека тренирањето на неговите синови му помогнало да задржи свежа перспектива за спортот со кој се занимава повеќе од две децении.
Во август тој го продолжи договорот со Лос Анџелес Лејкерс и ќе ја игра најмалку уште сезоната 2024/25.
Фудбалерот Патрик Махоумс и скијачката Микаела Шифрин ги добија наградите за спортист на годината на ABC, а НФЛ клубот Канзас Сити Чифс наградата за тим на годината.
