Во последната четвртина од втората средба од финалето на Западната конференција на НБА лигата меѓу кошаркарите Денвер и Лос Анџелес Лејкерс полесно се повреди Леброн Џејмс, ѕвездата на клубот од Лос Анџелес.
Џејмс во таа прилика му згазна на стапалото на ривалот Арон Гордон и го повреди скочниот зглоб.
Тој го одигра остатокот од натпреварот, но прашање беше дали нешто ќе му се случи на Џејмс откако ќе се олади повреденото место.
„Ништо не може да ме спречи да настапам во третиот натпревар. Ќе бидам целосно подготвен. Сигурно не може да ме спречи мала повреда", јасно изјави Џејмс, кој во вториот меч, но и вториот пораз од неговите ЛА Лејкерс, запиша 22 поени, десет асистенции и девет скока.
По натпреварот, глуждот на Џејмс беше завиткан во крпа, а тренерот на Лејкерс, Дарвин Хем, беше нешто поодмерен во изјавата за повредата.
„Ќе видиме што ќе се случи.“
Третиот натпревар, чиј домаќин е Лос Анџелес, се игра ноќта од сабота кон недела по средноевропско време.
