Лос Анџелес Лејкерс и Атланта Хокс се пласираа во плеј-офот на НБА, откако ги совладаа Минесота Тимбервулвс и Мајами Хит во плеј-ин натпреварите.
Лејкерс по продолжение ја победија Минесота со 108:102 и се пласираа во плеј-офот.
Најдобри играчи на Лејкерси беа Леброн Џејмс, кој постигна 30 поени со 10 скока и 6 асистенции, додека Ентони Дејвис постигна 24 поени со 15 скока.
Минесота пред натпреварот го суспендираше својот најдобар играч Руди Гобер и со тоа си пукаше во нога, а најдобар поединец во нивните редови беше Карл-Ентони Таунс со 24 поени и 11 скока.
Атланта Хокс победи во Мајами со 116:105 најмногу благодарение на одличниот Треј Јанг кој дуелот го заврши со 25 поени, 8 скока и 7 асистенции. На другата страна Кајл Лори постигна 33 поени.
Лејкерс во плеј-офот ќе играат против Мемфис Гризлис, а Атланта против Бостон Селтикс.
Минесота и Мајами ќе имаат уште една шанса за влез во плеј-офот бидејќи ќе одиграат натпревар против подобриот од дуелот Њу Орлеанс Пеликанс – Оклахома Сити Тандер и од Торонто Репторс - Чикаго Булс. Екипите што ќе влезат во плеј-офот ќе играат против Денвер Нагетс и Милвоки Бакс.
