Фудбалерот на Баерн, Роберт Левандовски ги сподели своите размислувања за откажувањето на Златна топка во 2020 година.
„Некој одлучи дека оваа година да нема Златна топка. Можеби тие ја донесоа оваа одлука прерано. Многу играчи, тренери, новинари знаат дека ја имав мојата најдобра сезона“, вели Левандовски.
„Баерн постигна многу, беше неверојатно. Мило ми е што сите го видоа тоа. Но, јас исто така знам дека секоја индивидуална награда му припаѓа на целиот тим. Тешко е за тим да игра без напаѓач, но напаѓачот не може да игра и без тим“, истакна Левандовски.
Организаторите на престижната награда Златна топка која се доделува на најдобриот фудбалер во годината, одлучија во 2020 да не се одржи поради пандемијата на коронавирус.
