Познатиот рапер Лил Вејн утрово беше хоспитализиран откако луѓето од неговата екипа го пронајдоа онесвестен во својата хотелска соба во Чикаго.
Раперот доживеал епилептичен напад додека бил во неговата хотелска соба и кога бил пронајден онесвестен, веднаш бил пренесен во локалната болница, каде доживеал уште еден напад.
На Лил Вејн му е дијагностицирана епилепсија уште од раѓање и докторите често го опоменуваат дека треба да внимава на својата состојба, но тој упорно продолжува со нездравиот и неодговорен живот, а посебно кога е на турнеја.
34-годишниот рапер неколкупати беше хоспитализиран поради напади на епилепсија, а најсериозна беше ситуацијата во 2016 година, кога тој доживеа напад додека леташе и авионот мораше итно да слетува за да му биде укажана докторска нега.
Лил Вејн моментално е на турнеја со „Реј Шремурд“ и неговиот последен настап беше во саботата во Лас Вегас.
