Литванскиот парламент гласаше за испраќање на законот за легализација на истополовите партнерства во натамошна процедура, откако истиот закон беше отфрлен во мај 2021 година.
Седумдесет пратеници беа за, а 52 против законот, за кој противниците велат дека е спротивно на учењето на Католичка црква.
Предлагачите се задоволни од усвојувањето во парламентот, но предупредуваат дека сè уште има сериозни предизвици во државата претежно католичка. Според анкетата спроведена во април 2021 година, 70 отсто од Литванците се против истополовите бракови.
Тројца од четворица граѓани се декларираат како римокатолици, а локалната црква ги предупреди пратениците да не гласаат за закон кој го доведува во прашање „природниот концепт на семејството“. 2,8-милионската земја, некогаш управувана од Москва, е членка на Европската унија и НАТО од 2004 година.
