Актуелниот англиски фудбалски шампион Ливерпул попладнево загуби од Лестер со 3:1 на натпреварот на гостински терен од 24-тото коло во Премиер лигата.
За избраниците на Јирген Клоп ова е трет пораз во низа во Премиер лигата.
На претходните два натпревара „црвените“ беа поразени од Манчестер Сити (1:4) и Брајтон (0:1).
Ливерпул не загубил три последователни натпревари во англиската лига од ноември 2014 година. Тогаш тимот го водеше Брендан Роџерс, кој, интересно, е сегашниот тренер на Лестер.
По 24 натпревари Ливерпул има 40 бода и се наоѓа на 4. место, додека Лестер со 46 бода од 24 натпревари е на втората позиција.