Тешко е да направите разлика дали некому сте му прираснале за срце или е со вас само поради добриот секс.
Ваквите сомнежи претставуваат предизвик на почетокот на врската, кога многу работи сè уште делуваат недоречено, иако не е реткост со години да бидат дефинирани.
Ако веќе некое време се гледате со личност со која сте во интимни односи, можно е да барате знаци кои можат да ви откријат дали навистина му значите или со вас е поради добриот секс.
1. Ако имате секс секој пат кога ќе се видите, тоа е само секс
Дали ви пишува пораки колку ве посакува и како едвај чека да ве види во неговиот кревет? Ако сите негови настојувања да се види со вас се сведуваат на креветот или кое било друго место за секс, не е тешко да заклучите дека ве бара во ситуации кога сака да ја задоволи својата желба за секс.
2. Ако минете викенд заедно, без секс, тоа е љубов
Далеку од тоа дека отсуството на секс значи дека љубовта е присутна. Но, ако сексот не е приоритет, туку се вклучени и други работи како заедничко правење вечера, филмски маратон, фини разговори кои траат со часови, тоа покажува дека сака да ве запознае подобро, а не само да ве однесе во кревет, пишува Stylecaster.
3. Ако е восхитен од фактот дека може да ве задоволи, тоа е само секс
Сексот е обострано задоволство, но треба да бидете свесни дека самиот факт што сака да ви причини сексуално задоволство не значи и дека ве сака.
Многу е важно што се случува по сексот.
4. Ако сака да се гали со вас, тоа е љубов
Наместо да броите колку пати вие сте го задоволиле, а колку тој вас, обрнете внимание на фактот дали тој сака да биде во вашата прегратка и колку е нежен додека ве допира.
Ако по сексот останува во кревет и продолжува нежно да се гали со вас и да ве бакнува, значи дека сè уште не завршил со вас.
