Поп кралицата Мадона ќе режира биографски филм за сопствениот живот, а наскоро почнува и продукцијата, објави најголемото американско филмско студи Comcast Corp’s Universal Pictures.
Шеесет и двегодишната пејачка и актерка на сценариото ќе соработува со Оскаровката и сценаристка Диабло Коди.
Продукцијата ќе биде потпишана со Ејми Паскал, која за најпрестижната светска филмска награда беше номинирана трипати. Извршен продуцент на филмот ќе бидат Сара Замбрено и Гај Осери, долгогодишен менаџер на Мадона и нејзин пријател.
„Мојата желба е да го пренесам неверојатното патување на кое ме понесе мојот живот како уметница, музичарка, танчарка и човечко суштество кое се обидува да го пронајде своето место во светот“, најави Мадона за нејзиниот биографски филм.
