Актерката Џенифер Кулиџ, која глумеше во популарната комедија „American Pie“ од 1999 година, откри дека улогата ѝ донела многу повеќе задоволство отколку слава.
Џенифер, која на крајот на август ќе го прослави 61. роденден, изјави дека спиела со дури 200 партнери, што, како што вели, никогаш немало да се случи да не бил споменатиот филм каде го играше ликот на мајката на Стивен Стифлер.
Иако за неа таа улогата била „неславна“, се пошегува дека ѝ „донела многу акција“.
Зборувајќи за Variety, таа рече: „Имав многу сексуални дејствија во 'American Pie'. Имаше толку многу придобивки од снимањето на тој филм. Мислам, ќе имаше околу 200 луѓе со кои никогаш не би спиела ако не беше таа улога“.
По оригиналниот филм, Џенифер се појави во неговото второ продолжение „American Pie 2“, а потоа и во „American Wedding“ и „American Reunion“, а имапе улоги и во други филмови како „Legally Blonde“, „A Cinderella Story“, како и мини улога во популарните серии „Frasier“, „Sex and the City“ и „Friends“.
Ликот на Џенифер беше дел од подзаплетот во филмот, во кој таа (успешно) тргна да го заведе соученикот на нејзиниот син Стив, Пол „S**t Break“ Финч, кој го играше Еди Кеј Томас.
Пред комедијата „American Pie“, Џенифер призна дека се мачела да добие улоги во филмови, но како што рече, годините на одбивање само направиле да се чувствува како да нема што да изгуби.
„Стравот исчезнува кога ќе се навикнете да губите. Има одредена слобода во тоа“, рече таа.
Актерката неодамна доби улога во серијата „The White Lotus“, која ѝ ја донесе првата номинација за Еми, но и ѝ обезбеди влез во втората сезона како единствен главен лик кој доби улога без аудиција.
