Германскиот прволигаш Мајнц и официјално го претстави дресот за новата сезона во Бундеслигата, а по изгледот неодоливо наликува на оној на хрватската репрезентација.
Новиот дрес на Мајнц зема инспирација од дизајнот од сезоната 1996/1997 и како таков неодоливо потсетува на дресот на „Ватрените“ поради неговите коцки кои се традиционални за дресовите на хрватската репрезентација.
Овој ретро дизајн им се допадна на навивачите на Мајнц, а многу фанови во коментарите го споредија дресот со хрватскиот. Бидејќи во овој германски град на реката Рајна има голем број Хрвати, нема сомнеж дека многумина со задоволство ќе го купат.
Инаку, новиот дрес на Мајнц е во продажба и чини 85 евра во официјалната клупска продавница. Премиерата во Бундеслигата ќе ја имаат на 26 август за кога е закажан првиот домашен натпревар против Ајнтрахт.
Воедно, хрватските медиуми го коментираа новиот дрес на Мајнц и го поврзаа со хрватската репрезентација.
„Навивачите на тој клуб ќе го паметат дизајнот во кој некогаш играа играчите на Мајнц, но фудбалските следбеници во Хрватска несомнено ќе го поврзат со дресовите на хрватската репрезентација“, пишува Index.
Gol.hr се пошегува на Facebook, па од овој портал порачаа дека на Мајнц „ништо не им е свето“.
