Репрезентативците на Мароко по освоеното четврто место на СП во Катар, имаа свечен прием во кралската палата во Рабат.
Кралот Мохамед Шести ги одликува со медал, а овој пат во центарот на вниманието беа мајките на репрезентативците, кои со синовите присуствуваа на приемот.
Од Кралската палата порачаа дека овој чин воедно им оддава признание на Мароканките кои ги воспитале своите деца во духот на посветеност и љубов кон татковината.
Најголемиот успех на една африканска селекција на светско првенство постигна токму репрезентацијата на Мароко и сега се вистински херои во нивната земја.
Во Рабат се собраа илјадници луѓе кои ги пречекаат фудбалерите.
Мароко освои четврто место откако фудбалерите претрпеа пораз од Хрватска, која се закити со бронза.
