Поранешниот претседател на Русија и близок соработник на Владимир Путин, Дмитриј Медведев, денеска на Twitter го повика Илон Маск, најбогатиот човек на светот и новиот сопственик на Twitter, да ја исклучи сателитската интернет услуга во Украина.
Медведев му честиташе на Маск за „надминувањето на политичката пристрасност и идеолошката диктатура на Twitter“.
„И доста е со Starlink во Украина“, додаде Медведев.
Да потсетиме, Илон Маск обезбедува сателитска интернет услуга за Украина преку услугата Starlink, која се покажа како клучна за комуникациите на украинската армија.
Маск и Медведев комуницираа пред неколку дена
Медведев пред неколку дена ја коментираше оставката на Лиз Трас со зборовите „збогум Лиз Трас, честитки за салатата“, алудирајќи на британската споредба на нејзиното владеење со времетраењето на главица зелена салата.
Маск одговорил: „Доста добро тролање, да бидам искрен“. Потоа го праша Медведев „како се одвиваат работите во Бахмут“, еден од ретките украински градови во чија близина напредуваат руските сили.
Медведев одговори: „Се гледаме во Москва на Денот на победата“.