Си два пресврта и победа од 4:2 Борусија од Менхенгладбах го доби дербито против имењакот од Дортмунд.
Во навистина интересен и возбудлив натпревар домашниот тим славеше во Борусен дербито на двете Борусии.
Гостинската мрежа се затресе уште во 2. минута, но по интервенција на ВАР судијата го поништи голот на Флориан Нојхаус поради прекршок. Сепак, на водството на Менхенгладбах не се чекаше долго бидејќи во 11. минута Нико Елведи погоди.
Потоа на сцена стапи Ерлинг Холанд кој со два гола за шест минути (22. и 28. минута) се погрижи за преврт и водство од 1:2 за гостите од Дортмунд. На двата негови гола асистираше Џејдон Санчо.
Но, ниту водството на гостите не траеше долго бидејќи четири минути подоцна Елведи со својот втор гол изармни на 2:2.
Веднаш по паузата почна пресвртот на домашните кога во 49. минута алжирскиот репрезентативец Рами Бенсебајни постигна гол. Победата на Монхенгладбах ја запечати Французинот Маркус Тјирам во 78. минута. Овие два гола ги намести Нојхаус.
Со ваквиот резултат настана рокада на табелата бидеј'и Менхенгладбах со 31 бод го престигна Дортмунд кој остана на 29. Двете Борусии се на 4. и 5. место, но тоа може и да се промени по комплетирањето на ова 18. коло.