Откако шпанските медиуми пишуваа дека Лионел Меси станал сопственик на најскапиот автомобил на светот, ѕвездата на Барселона на духовит начин го покажа својот „нов автомобил“.
На својот Instagram профил, Меси објави фотка со автомобилче од анимираниот филм Cars што веројатно е играчка на неговиот син. Шпанските медиуми пред неколку денови пишуваа дека Меси ја надминал понудата на Роналдо и дека на аукција го купил моделот Ferrari 335 S Spider Scaglietti од 1957 година за сума од 32 милиони долари.
Сепак, набргу потоа, извори блиски на фудбалерот ја негираа таквата информација, а постот на Меси на Instagram на духовит начин го потврдува тоа.