Најдобриот фудбалер на Барселона, Лионел Меси заработил вистинско богатство во Барселона во изминатите четири години.
Барса конечно почна да победува - врза четири триумфи во шампионатот и во добро расположение вечерва од 21 часот ќе го дочека Билбао, кој игра многу променливо.
Весникот El Mundo го „спружи “ Меси на насловната страница, откривајќи дека Барселона дала вистинско богатство за неговите услуги - повеќе од половина милијарда евра.
Поточно, 555.237.619 евра за четири години, што значи 138 милиони евра фиксно по сезона!
За да бидат работите уште поневеројатни, Аргентинецот од великаните на „Ноу Камп“ добил 77.929.955 евра „бонус за лојалност“.
И на сето тоа уште 115.225.000 евра само затоа што се согласи да потпише нова соработка.
Нереални бројки и рекордни пари во историјата на фудбалот.
Сепак, и тоа не е доволно за да остане во клубот во кој се наоѓа од неговата 13-та година, бидејќи ќе замине летово веднаш штом ќе му истече договорот, незадоволен од ситуацијата во клубот.
И тогаш ќе може да бира - Пари Сен Жермен, Манчестер Сити или арапскиот свет.