Лионел Меси минатото лето го шокираше светот со преселбата од Барселона во ПСЖ.
На 34 години, поради катастрофалната финансиска состојба во Барса го напушти клубот во кој беше 21 година, а во ПСЖ дојде повторно да биде клучен дел од најсилното напаѓачко трио.
Сепак, по половина година стана јасно дека Меси, Нејмар и Мбапе не се толку успешни како Меси, Нејмар и Суарез кои „владееја“ во Барселона. ПСЖ е секако лидер во Франција, но тоа се подразбира. Уште се чека да се види зошто беше доведен Меси и што чека ПСЖ откако клубот го напојуваат катарски милијарди. Тоа е освојување на Лигата на шампионите. ПСЖ беше елиминиран во првата нокаут рунда од Реал, иако во првиот натпревар победи со 1:0, а во вториот водеше со тој резултат.
Раната елиминација значеше дефинитивно заминување на Мбапе на крајот на сезоната и огорченост на навивачите на ПСЖ кон Меси, кој беше невидлив во двата натпревара со Реал. На првиот следен натпревар, против Бордо, веќе беше исвиркан на загревањето, а истото му се случуваше секојпат кога ја примаше топката.
Меси беше видно потресен од ова, бидејќи тоа никогаш не му се случило во кариерата, а неговиот говор на телото и изразот на лицето долго време покажуваат дека не се чувствува добро во ПСЖ. Тоа може да се види од неговите игри. Тој оваа сезона постигна само седум гола.
Италијанскиот новинар Матео Морето пишува дека Меси е несреќен во ПСЖ, но дека ќе го одработи договорот до крај, односно сезоната по оваа. Сепак, никој не спомнува што има во договорот на Меси со ПСЖ, односно дали има можност за продолжување на уште една, трета сезона. Морето тврди дека Меси веќе има планови за иднината што не го вклучуваат ПСЖ.