Синоќа продолжи одличната форма на Милан кој немилосрдно се истури врз гостите од Болоња испраќајќи ги дома со пет голови во мрежата.
Сите пет голови за „Росонерите“ ги постигнаа различни играчи. Голеадата ја најави Белгиецот Алексис Салемакерс уште во 10. минута. Потоа во 24. минута Турчинот Хакан Чалханолу зголеми на 2:0, а на минута пред паузата Такехиро Томијасу во прекрасен удар врати надеж за гостите дека можеби ќе дојдат до бод. Тоа беше прв гол за Јапонецот во дресот на Болоња.
Во второто полувреме Алжирецот Исмаел Беннасер и Хрватот Анте Ребиќ набрзина им ставија дознаење на гостите дека сепак нема што да бараат на „Меаца“.
Конечните 5:1 ги постави дефанзивецот Давиде Калабрија во втората минута од судиското надополнување.
Интересно, од петте гола на Милан ниту еден не постигна Златан Ибрахимовиќ. Тој играше до 61. минута кога беа постигнати четири голови, а Ибра му асистираше на Ребиќ за четвртиот.
Милан со оваа победа дојде на само бод од Рома која го држи 5. место. Тимот на Стефано Пиоли го брка тоа место бидејќи води директно во групите од Лига Европа. Рома својот натпревар од ова 34. коло го игра вечер кога на „Олимпико“ го пречекува Интер.
