Милан бара засилување на средината на теренот, а Иско, фудбалер на Реал Мадрид, е на списокот со желби.
Откако Хакан Чалханоглу замина во Интер, Милан бара соодветна замена и го гледа 29-годишниот Иско како идеално решение.
La Gazzetta dello Sport пишува дека „росонерите“ се сериозни во намерата да го донесат Иско, иако не успеале во претходните неколку обиди. Секој претходен обид пропаѓаше поради финансиите, бидејќи Иско беше прескап за Милан, но ситуацијата се смени. Реал го проценува својот фудбалер на 20 милиони евра со оглед на тоа дека има договор што истекува следната година. Можно е споменатата бројка и дополнително да се намали.
Реал и Иско се разделуваат веќе подолго време, а фудбалерот го загуби местото во тимот, па минатата сезона забележа 29 настапи и одигра само 1.000 минути.
Иско сакаше да замине уште во јануари, па и покрај доаѓањето на тренерот Карло Анчелоти, клубот верува дека е време да се збогуваат.
Милан е во контакт со Реал за уште тројца играчи - Брахим Дијаз, кој минатата сезона ја помина на позајмица на Сан Сиро, Лука Јовиќ и Алваро Одриозола.
